Түркістан облысының полицейлері жасөспірімдер арасындағы төбелес жайты бойынша сотқа дейінгі тергеу амалдарын жүргізіп жатыр, деп хабарлайды ведомствоның баспасөз қызметіне сілтеме жасап Elitar.kz.
15 қаңтарда Арыс АПБ-нің кезекші бөліміне кәмелет жасына толмаған жасөспірім жарақат алып, ауруханаға жеткізілгені туралы хабарлама келіп түскен. Оқиға орнына жеткен жедел-тергеу тобының анықтауы бойынша түнгі уақытта Арыс қаласының көшелерінің бірінде жасөспірімдер арасында жанжал туындап, төбелеске ұласқан. Төбелеске қатысушылардың бірі құрдасын пышақпен жарақаттаған.
Жедел-іздестіру іс-шаралары барысында полиция қызметкерлері күдіктіні ұстап, уақытша ұстау изоляторына қамауға алды.
Қазіргі уақытта аталған жайтқа қатысты ҚР ҚК-нің 24-99-бабы "Адам өлтіруге оқталу" бойынша сотқа дейінгі тергеу амалдары жүргізілуде. Полиция қызметкерлері оқиғаның толық мән-жайын анықтауда.
