Жойқын жарылыс кезінде снаряд түсіп, үйі мен дүкені және ауладағы үш бірдей көлігі өртеніп кеткен Арыс тұрғыны Үкімет басшысынан көмек сұрады, деп хабарлайды Elitar.kz тілшісі.
Тұрғын Лесхан Мыңбаевтың айтуынша, жарылыстан күл-талқаны шыққан үйі сүріліп, қазіргі таңда оның орнына жаңадан баспана тұрғызылып жатыр. Құрылыс жұмыстарын Шығыс Қазақстан облысы жүргізуде. Арыс қаласы тұрғынының ендігі мәселесі – үш көлігі. Айтуынша, көліктерінің барлық құжаты бар. Бірақ сақтандыру полисіндегілер көлік тек жол апатына түскенде ғана өтемақы төленетінін айтып, көмек беруден бас тартыпты.
"Енді білмеймін, қалай боларын. Соған көмегіңіз тисе деп едік»,-деді Лесхан Мыңбаев.
Тұрғынның өтінішін естіген Үкімет басшысы бұл мәселені қарастыратынын жеткізді.
