Орталық сайлау комиссиясында ҚР Президенттігіне кандидаттың мемлекеттік тілді меңгеру дәрежесін анықтайтын лингвистикалық комиссия отырысында Президенттікке «Nur Otan» партиясының атынан кандидат Қасым-Жомарт Тоқаев мемлекеттік тілден емтихан тапсырып жатыр, деп хабарлайды Elitar.kz.
Лингвистикалық комиссияның төрағасы М.Жолдасбеков кандидатқа емтихан тапсыру тәртібін қазақ тілінде түсіндірді.
Комисся хатшысы Тоқаевтың алдына билеттер қойды. Тоқаев билетті таңдап, оның «Абай Құнанбайұлының поэзиясы мен қара сөздері» тақырыбында шығарма жазатыны белгілі болды.
Емтихан
тапсыру тәртібі бойынша алдымен
Қасым-Жомарт Тоқаев «Абай Құнанбайұлының
поэзиясы мен қара сөздері» тақырыбында
2 беттік шығарма жазады. Содан кейін
Шерхан Мұртазаның «Мыңбұлақ» кітабынан
үзіндіні 15 минут мәнерлеп оқиды. Ал
үшінші кезеңде еркін тақырыпта сөз
сөйлейді.
Айта
кетейік, 19 сәуірде ҚР Орталық сайлау
комиссиясы ҚР Президентінің кезектен
тыс сайлауында ҚР Президенттігіне
кандидаттардың мемлекеттік тілде еркін
меңгергенін анықтайтын лингвистикалық
комиссия құрып, оның құрамына Мырзатай
Жолдасбеков, Әділ Ахметов, Ғарифолла
Есім, Серік Қасқабасов, Гүлтас Құрманбай,
Ерден Қажыбек енген болатын.
Комиссия
төрағасы Мырзатай Жолдасбековтің
айтуынша, емтихан үш кезеңнен құралған.
Бірінші кезеңде үміткер конвертте
жасырылған тақырыптардың біріне жазбаша
жұмыс жазады. Жазбаша жұмыс 2 беттен
аспауы керек, оны жазуға 1 сағат уақыт
беріледі. Егер үміткер 1 сағатта жазып
бітіре алмаса, комиссия ақылдаса келе,
қосымша жарты сағат бере алады. Комиссия
мүшелері жұмысты мұқият тексереді, әріп
қатесін, тыныс белгілерін қадағалайды.
Мәселен, 8 орфографиялық қате табылса,
екі қойылады.
Екінші кезеңде үміткер комиссия ұсынған көлемі үш беттен аспайтын мәтінді дауыстап оқиды. Бұл кезеңде үміткердің дауыс ырғағы, оқу мәнері бағаланады.
Үшінші кезеңде үміткер лингвистикалық комиссия берген тақырыптардың біріне сөз сөйлеуі қажет. Оның да тақырыптары конвертке салынып бекітілген. Тақырыптар қазақ халқының тарихы, мәдениеті, жетістіктері жөнінде болмақ. Үміткердің сөз сөйлеуі комиссияны қанағаттандырмаса, тақырыпты тереңірек ашу үшін қосымша сұрақтар қойылады.
Лингвистикалық
комиссияның шешімі ашық дауыс беру
қорытындысы бойынша белгілі болады.
Протокол толтырылып, ол отырысқа қатысып
отырған ОСК мүшесіне тапсырылады.
Фото: ашық дереккөзден
