2 шілдеде автомобиль жолдарын күтіп ұстау жұмыстарын жүргізу тендерін "РЭП" ЖШС ұтып алды. "Қала Жолдары" ЖШС бұрынғы қызметкерлерін жаңа компанияға орналастыруға уәде берді, деп хабарлайды lada.kz-ке сілтеме жасай отырып Elitar.kz.
"Біз тендерге қатыстық, бірақ жеңілдік, себебі "РЭП" ЖШС-нен сәл жоғары соманы ұсындық. Біздің ұжымда 297 адам бар. "РЭП" ЖШС директорымен және Ақтау әкімімен келіссөз жүргізгеннен кейін біздің 220 қызметкер осы ЖШС-ға жұмысқа қабылданады деп шешілді. Біз осы компанияға көлік қызметтерін көрсете отырып, қосалқы мердігерлер боламыз. 70-ке жуық жүргізуші бізде жұмыс істейді", - деді "Қала жолдары " МКК директоры Қайрат Хайрушев.
"РЭП" ЖШС 300
млн теңге ұтып алды. Бұл қаражатқа
кәсіпорын қалалық жолдар мен жол
белгілерін тазалап ұстайтын болады.
"Мен
сегіз жыл бойы "Қала жолдары" МКК-де
жұмыс істедім. Менде тәжірибе бар.
Қызметкерлерді өзіме қабылдауға
дайынмын. Жалақы, демалыс, зейнетақы
аударымдары сақталады", – деді "РЭП"
ЖШС директоры Абай Қожабаев.
Айта
кетейік, мамыр айында "қала жолдары"
МКК 400 қызметкері жалақы бойынша қарыз
төлемейінше жұмысқа шығудан бас тартқан
болатын.
