Ақтөбеде несие алуға келген 72 жастағы қария банк ғимаратында көз жұмды. Бұл туралы "Диапазон" газетіне сілтеме жасап Elitar.kz хабарлайды.
Басылымның жазуынша, ер адам несие алмақ болып бакн қызметкерімен сөйлесіп отырған. Сол сәтте өзін жайсыз сезініп, есінен танып қалады.
Банк қызметкерлері дереу жедел жәрдем қызметін шақырып, дәрігерлер 8 минутта келіп жеткен. Өкінішке орай егде жастағы тұрғынды ақ халаттылар аман алып қала алмады.
Марқұмның туыстары қарияның сол күні өзін жақсы көңіл күйде және сергек сезінгенін, банкке шағын несие алу ниетімен барғанын айтты.
