"Карантин кезінде қала көшелерінде себепсіз жүрген ақтөбеліктер мен олардың балаларына қатысты полиция қолданатын шаралар күшейді. Жеке азаматтардың жауапсыздығы олардың жақындары мен айналасындағылардың вирус жұқтыруына әкеп соқты. Ал енді қаланың әрбір тұрғынына қауіп төнеді. Инфекцияның одан әрі таралуына жол бермеу мақсатында карантин режимі күшейтіліп, қатаң шектеу шаралары қабылданды. Мәселен, жақын маңдағы дүкендер мен супермаркеттерге тек бір отбасы мүшесіне 3 күнде 1 рет баруға рұқсат етіледі. Жұмыс орны мен кестесі көрсетілген анықтамасы бар адамдарды қоспағанда, жеке автокөлікті қолдануға тыйым салынады", - делінген хабарламада.
Облыстық Полиция департаментінің мәліметінше, мұндай тәртіп коронавирус инфекциясы таралуының алдын алу мақсатында қабылданған.
