Қатыгез әке жеті ай бойы қызын зорлап келген, деп хабарлайды Elitar.kz.
Атырау облыстық қылмыстық істер жөніндегі мамандандырылған ауданаралық сотының баспасөз қызметінің мәліметінше, Қазақстан Республикасының ҚК-нің 120 бабының 4 бөлігімен қылмыстық іс қаралды.
"Сотталған жеті ай бойы өзінің өгей қызын зорлап келген. Сотталған мен жәбірленушінің анасы заңды некеде тұрған. 13 жасар қыз бала әйелдің бірінші некеден туған қызы. Өгей әкесі оған өз тегін беріп, заң жүзінде асырап алған. Одан басқа некеден ортақ тағы екі қыздары бар. Сотталған әйелінің үйде жоқтығын пайдаланып, өгей қызына сексуалды сипаттағы зорлық-зомбылық әрекеттерін жасаған. Жәбірленуші әкесінен қорқып, оның іс-әрекеттері туралы ешкімге тіс жармай келген. Мұның бәрі тек ол жүкті боп қалған кезінде белгілі болған. Сөйтіп анасы дереу түрде полицияға шағым түсірген" делінген баспасөз мәліметінде.
Сот үкімімен сотталған Қазақстан Республикасының ҚК-нің 120 бабының 4 бөлігімен кінәлі деп танылып, 15 жылға бас бостандығынан айырылды.
Сот үкімі заңды күшіне енді.
