Түркістан облысы, Сайрам ауданында ауызашар кезінде газ балоны жарылысы салдарынан күйіп қалған бес жарым жастағы бүлдіршін мен 1958 жылы туған ер адам ауруханада көз жұмды, деп хабарлайды Elitar.kz.
«Көз жұмған екі науқастың да жағдайы ауруханаға келіп түскенде ауыр халде болған. Денелерінің 98 пайызын күйік шалған», - дейді дәрігерлер. Жарылыс кезінде зардап шеккен тағы алты адам облыстық күйікті емдеу орталығына ауыстырылды.
Еске сала кетейік, 9 мамыр күні Сайрам ауданында ауызашар кезінде газ балоны жарылған болатын. Мамандардың алдын ала болжамы бойынша жарылыс дәмханадағы 50 литрлік газ балонынан шыққан. Қазір оқиғаның себеп салдарын мамандар анықтап жатыр.
