"Қазақмыс Холдинг" ЖШС директорлар кеңесінің төрағасы Эдуард Огай Лос-Анджелестегі үйін 30 миллион долларға сатып жатыр. Эдуард Огай 10 жатын және 16 ванна бөлмесі бар бұл коттеджді 2014 жылы 40 миллион долларға сатып алған.
Бұл туралы америкалық Variety журналына сілтеме жасап Sputnik Kazakhstan хабарлады.
Вилла қаланың ең қымбат ауданында – Беверли Парк тұрғын үй алабында орналасқан. Басылым Лос-Анджелестің бұл ауданында 73 көп деңгейлі коттедж салынғанын атап өткен.
Огай мен оның жұбайы жылжымайтын мүлікті жер учаскесімен қоса 40 миллион долларға сатып алған. Отбасылық жұп сатып алғаннан кейін сарайдың аумағын екіге бөлді.
"2,2 акрлық (89 сотық) вилла толығымен сақталды, бірақ қызметшілердің үйі мен жапсыра салынған үй бұзылды. Олардың орнына жаңа үй салынды", - деп жазылған мақалада.
Сонымен қатар, екі вилла сатылымға қойылды – біреуі 30 миллион, екіншісі 28 миллион долларға. Екі үйдің тұрғын аумағы мың шаршы метрден асады.
Басылымның мәліметінше, үйде төрт көлікке арналған гараж, 10 жатын бөлме мен 16 ванна бөлмесі бар. Сонымен қатар онда шарап жертөлесі, үй кинотеатры, бассейн, жаттығу залы орналасқан.
Айта кетейік, Forbes.kz мәліметінше, Эдуард Огай "Қазақстанның 50 ықпалды бизнесмені" және "Қазақстанның 50 ең бай адамы" рейтингіне енген.
Ақпарат үшін: Беверлиде Эдди Мерфи, Сильвестер Сталлоне, актриса Кимора Ли Симмонс, әнші Род Стюарт және медиамагнат Самнер Редстоун да тұрады.
ФОТО: СС0 / Tama66
