ҚР Статистика комитетінің мәліметінше, тамыз айындағы дерек бойынша Қазақстан халқының саны 18528,9 мың адамды құрады.
Ел халқының 10798,1 мыңы (58,3%) – қалалықтар, ал 7730,8 мың адамның (41,7%) ауылды аймақта тұратыны белгілі болды.
"2018 жылғы 1 тамызбен салыстырғанда халық саны 236,2 мың адамға немесе 1,3% -ға өсті. Қарастырылып отырған кезеңде ең көп жалпы өсім еліміздің үш өңірінде: Нұр-Сұлтан қаласы (58,4 мың адам), Алматы қаласы (50,6 мың адам) және Түркістан облысында (46,4 мың адам) қалыптасты" делінген комитеттегілердің мәліметінше.
