Депутаттар Палата Спикері Нұрлан Нығматулиннің төрағалығымен өткен ҚР Парламенті Мәжілісінің жалпы отырысында "Бір тараптан Еуразиялық экономикалық одақ пен оған мүше мемлекеттер және екінші тараптан Қытай Халық Республикасы арасындағы сауда-экономикалық ынтымақтастық туралы келісімді ратификациялау туралы" заң жобасын мақұлдады, деп хабарлайды Elitar.kz тілшісі Zakon.kz-ке сілтеме жасай отырып.
"Сіздердің назарларыңызға Еуразиялық экономикалық одақ пен оған мүше мемлекеттер, бір тараптан және екінші тараптан Қытай Халық Республикасы арасындағы сауда-экономикалық ынтымақтастық туралы келісім ұсынылады. Келісім Еуразиялық экономикалық одаққа мүше мемлекеттер мен Қытай арасындағы өзара сауданы жақсарту үшін жағдай жасайды. Келісім өзара саудадағы баж салығын алып тастау мен төмендетуді қарастырмайды," - деді Ұлттық экономика министрі Руслан Дәленов.
Оның айтуынша,
Келісім ережелері өзара сауда кезінде
қолданылатын техникалық реттеу
процедураларын, санитарлық және
фитосанитарлық шараларды жеңілдетуге
мүмкіндік береді. Сондай-ақ, келісім
Кедендік ынтымақтастық, зияткерлік
меншік құқығын қорғау мәселелерін
қамтиды. Ішкі нарықты қорғау шараларын
қолдану және берілетін субсидиялар
туралы ақпарат алмасу көзделген.
Ол келісімге
сәйкес Тараптар ұлттық заңнамаға сәйкес
сауданы реттеудің жоспарланған шаралары
туралы ақпаратты жариялайтынын айтты.
"Бұл сауалдар жолдауға және консультациялар өткізуге мүмкіндік береді. Қытай Қазақстан үшін негізгі сауда серіктестерінің бірі болып табылатынын ескере отырып, шарттық базаны дамыту екі ел арасындағы сауда-экономикалық ынтымақтастықты нығайтуға мүмкіндік береді. Заң жобасын іске асыру республикалық бюджеттен қаржы бөлуді талап етпейді және теріс әлеуметтік-экономикалық және құқықтық салдарға әкеп соқпайды," - деп қортындылады министр.
