Президент Қасым-Жомарт Тоқаев Қостанайда өткен Ресей-Қазақстан жастарының форумы аясында екі елдің еріктілерімен кездесу өткізіп, 2020 жылды республикадағы еріктілер жылы деп жариялау бастамасын қолдады, деп хабарлайды Elitar.kz.
Тоқаев атап өткендей, волонтерллерге ең жоғары деңгейде қолдау көрсетіледі және мемлекеттік қызметтің барлық сатыларында 300 жас қазақстандықтардың тізімі - жас кадрлық резервті іріктеу критерийлерінің бірі болады.
"Мен еріктілер
адал ниетті адамдар екеніне
сенемін. Волонтерлік - бұл шынайы
патриотизмнің бейнесі, өйткені сіз елге
қызмет етіп, барлығын да халық үшін
жасауға тырысасыздар", – деп атап
өтті Қазақстан Президенті.
Сонымен қатар,
ол Ұлы Отан соғысындағы Жеңістің 75
жылдығы қарсаңында еріктілердің
халықаралық корпусын құру идеясын
қолдады, сондай-ақ Ресей мен Қазақстанның
ерікті қауымдастығы көшбасшыларының
қатысуымен кеңес құруды ұсынды.
Ресей-Қазақстан
жастар ынтымақтастығы форумы 20-21 мамырда
Қостанайда өтті. Екі елдің 1000-нан астам
белсенділері мен қоғамдық ұйымдарының
басшыларын жинаған шараның негізгі
тақырыбы еріктілік пен әлеуметтік
қызмет болды.
Сондай-ақ форум аясында екі елдің ірі жастар және ерікті бірлестіктерінің ынтымақтастығы ресми түрде бекітілді. Ынтымақтастық туралы меморандумдарға "еріктілер-медиктер" (Ресей) мен "Қазақстанның медицина жастары", ресейлік жастар одағы мен Қазақстан жастар конгрессі, сондай-ақ еріктілер орталықтары қауымдастығы (Ресей) мен ұлттық еріктілер желісі (Қазақстан) арасында меморандумға қол қойылды.
