Елімізде наурыз айында өткен жылдың осы кезеңімен салыстырғанда азық-түлік бағасы 6,7%-ға өскен, деп хабарлайды ҚР Статистика комитетіне сілтеме жасай отырып Elitar.kz.
Атап айтқанда, нан өнімдері және жармалар, ет, балық және теңіз өнімдері, сүт өнімдері, жұмыртқа, май және тоңмай, қант, кондитерлік өнімдер, алкогольсіз сусындар және алкогольді ішімдіктер қымбаттады. Ал жемістер мен көкөністер арзандаған.
"Жарма өнімдері тобында бағаның әр бағытта өзгеруі белгіленді. 2019 жылғы наурызда күрішке орташа баға 2018 жылғы наурыздағы килограмына 287 теңгеге қарсы 327 теңгені, ал қарақұмық жармасы тиісінше 277 теңгеге қарсы 244 теңгені құрады.
Құмшекердің орташа бағасы 2019 жылғы наурызда килограмына 237 теңгені, 2018 жылғы наурызда 200 теңгені құрады.
2019 жылғы наурызда сүт өнімдерінен сүзбеге орташа баға килограмына 1561 теңгені (2018 жылғы наурызда – 1522 теңге), қаймаққа – 1053 теңгені (1008 теңге), мәйекті ірімшікке – 2583 теңгені (2280 теңге), айранға – 286 теңгені (277 теңге), пастерленген сүтке 239 теңгені (217 теңге) құрады" делінген комитет берген мәліметте.
