Елімізде коронавирустан жазылып шыққан тұрғындар саны 100 адамға жетті.
ҚР Денсаулық сақтау министрлігінің мәліметінше, қауіпті індетті жеңген науқас Нұр-Сұлтан қаласындағы жұқпалы аурулар ауханасында ем алған. Бүгін ол медицина мекемесінен үйіне шығарылды.
Ақпарат ретінде айта кетейік, 13 сәуір сағат 13.47-дегі мәлімет бойынша, елімізде қауіпті індеттен жазылып шыққандардың 38-і Нұр-Сұлтан қаласында ем қабылдаған. Алматы қаласында – 49, СҚО – 1, Ақтөбе облысы – 1, Жамбыл облысында -3, Павлодар облысында- 1 Алматы облысында - 1, Қарағанды облысында - 1, Шымкент қаласында – 2, Атырау қаласында - 2, Батыс - Қазақстан облысында -1 адам вирусты инфекциядан жазылды.
