Бұл туралы ҚР Инустриалды-инновациялық даму министрігінде өткен брифингте Көлік комитеті төрағасының орынбасары Жәнібек Тайжанов мәлімдеді.
Брифингте Көлік комитеті пойыздарға рейдтік тексеру жүргізіп, нәтижесінде 534 факт анықталғаны айтылды.
«Биыл аумақтық көліктік бақылау органдары жолаушы пойызын тексеріп, билетсіз жолаушылар, рәсімделмеген жүк, тасымал тәртіптерін бұзу 534 фактіні анықтады. Билетсіз жолаушы тасу мен талаптардың бұзылғаны үшін жалпы 13 млн теңге айыппұл салынды», - деді Көлік комитеті төрағасының орынбасары Жәнібек Тайжанов министрлікте өткен баспасөз мәслихатында.
Одан бөлек комитет ағымдағы жылдың 30 шілде мен 7 тамыз аралығында билет алыпсатарларын анықтау науқаны жүргізілді. Бұл кезде 148 заңбұзушылық анықталды, оның 141-і пойызға билетсіз мінгендер болса, қалған жетеуі - жол жүру билетін алып сатқандар. Оларға 843 мың теңге айыппұл салынды.
