"Қазақстандық Ник Вуйчич" атанып кеткен Әли Тұрғанбеков әлемге танымал футболшы Криштиану Роналдумен кездесті, деп хабарлайды Elitar.kz.
Қазақ баласы мен әлем жұлдызы Роналду доп ойнап, бірге фотоға түскен. Видео мен фотоны UFC чемпионы Хабиб Нурмагомедов өзінің Instagram парақшасында жариялады.
«Міне, сондықтан да, сен сен әлемдегі үздіксің... Көп рахмет, Криштиану. Сен менің бауырымды бақытты еттің», - деп жазды Хабиб парақшасында.
Әли Тұрғанбеков болса, өзінің парақшасында футболшымен кездескен сәтінің видеосын бөлісті.
Естеріңізге салсақ, екі аяқсыз дүниеге келген Әли Тұрғанбеков бұған дейін Алматыда Хабиб Нурмагомедовпен кездескен болатын.
