Қазақстан азаматтарының коммуналды қызметке қарызы 13 млрд теңгеге жеткен. Бұл туралы ҚР Инвестиция және даму министрі Жеңіс Қасымбек мәлімдеді.
«2018 жылдың 1 желтоқсанындағы жағдай бойынша (тұтынушылардың коммуналды қызмет бойынша дебиторлық қарызы) 13 млн 995 мың теңгені құрады немесе 137 млн теңгеге азайды», - деді министр ҚР Үкіметінің отырысында. Бұл тұста қарыздың ең көп мөлшері Шымкентте (2 618 млн теңге), Астанада (2 455 млн теңге) және Алматы (1 718 млн теңге) қалаларында, Маңғыстау (1 581 млн теңге) және Қарағанды облыстарында (852 млн теңге) жинақталған. «Әкімдіктерге дебиторлық қарыз мөлшерін кемітіп, қазіргі борыш сомасын көбейтпеу жұмыстарына бақылауды күшейту қажет деп санаймыз», - деді минист.
