«Бүгінде ол үкімге шағым түсіру кезеңінде. Қазақстан мен Қытаймен арасында сотталғандарды беру туралы екіжақты келісім бар. Енді қытайлық сот төрелігінің соңғы шешімін күтеміз. Егер де ақтау үкімі шықса, онда өте жақсы болар еді. Егер сотталса,Ақжарқын да, біз де жазасын одан әрі өз отанында өтеу туралы сауал жолдауға құқылымыз", - деді ҚР Бс прокурорының орынбасары Парламент Мәжілісінің кулуарында тілшілер сауалына жауап бере отырып.
Еске салсақ, Ақжарқын Тұрлыбай 2014 жылдың наурыз айында Қытайдың Малайзиямен шекарасында есірткімен ұсталған еді. Оның жүк сөмкесінен 4,5 келі есірткі табылды, алайда Ақжарқын ол туралы білмейтін болып шықты.
Мемлекет басшысы Қасым-Жомарт Тоқаев Қытай еліне жасаған сапары кезінде қытай тарапына Ақжарқын Тұрлыбайға қатысты жеке өзінің өтінішін жеткізді. Бұл мәселе жан-жақты талқыланды. Мемлекет басшысының бұл мәселеге үлкен көңіл бөліп отырғанын оның көмекшісі Нұр-Сұлтанда өткен брифинг кезінде мәлімдеді.
