Ұсталған күдікті танысына Алматы қаласынан пәтер алып беремін уәде етіп, 6,5 млн теңгесін қалтасына басқан.
Бұл туралы Шығыс Қазақстан облыстық Полиция департаментіне сілтеме жасап Elitar.kz хабарлайды.
Полициейлер күдігіне Семейдің 42 жастағы тұрғыны ілініп отыр. Ол Алматы қаласында тұратын 44 жастағы танысына мегаполистен арзан бағаға пәтер алып беруге уәде еткен. Танысының уәдесіне сеніп қалған балабақшаның тәрбиешісі күдіктінің туысының есеп шотына 6,5 млн теңге аударған.
Күдіктінің бұған дейін істі болғаны анықталды. Ал орын алған факт бойынша «Алаяқтық» бабымен сотқа дейінгі тергеу басталды.
