Әбдірахымов: "Мен Шымкент халқына ризамын!"

30 шілде, 20:34

Шымкент қаласының бұрынғы әкімі Ғабидолла Әбдірахымов инстаграмдағы парақшасында қала халқына өз ризашылығын білдірді, деп хабарлайды Elitar.kz.

"Құрметті Шымкент қаласының тұрғындары! Қымбатты достар! Мен үшін Шымкент қаласының әкімі болып жұмыс істегенім үлкен мәртебе және мақтаныш. Осындай мүмкіншілік берген Елбасымызға, Президентімізге алғысымды білдіремін. Қолдан келгенше қаланың дамуына әріптестеріммен атсалыстым. Мен Шымкент халқына өте ризамын!"

Экс-әкім жаңадан сайланған қала басшысына сәттілік, Шымкент халқына амандық тіледі.

"Сіздер әрқашан мені қолдадыңыздар. Өзімді өте бақытты адам ретінде сезініп жүрдім. Әр нәрсенің соңы болады бұл өмірде. Жаңалықтар да болады. Жаңадан келген қала басшысына сәттілік тілеймін. Барлықтарыңызға үлкен алғыс айтып, басымды иемін! Аман болыңыздар! Шымкент жайнай берсін!",-деп жазды Ғабидолла Әбдірахымов.