"Айка" фильмі Берлинде көрсетілді. Премьераны көруге келгендердің көптігінен залда ине шаншар жер болмаған. Басты рөлді сомдаушы Самал Еслямоваға көрермендер тарапынан зор қошемет көрсетілді. Бұл туралы "Хабар 24"-ке сілтеме жасай отырып Elitar.kz хабарлайды.
"Хакеше Хефе" кинотеатрында бос орын болмаған. Көптеген немістер Германияның өзге де қалаларынан келген, өйткені фильм беделді кинофестивальдерде топ жарды. Басты рөлді сомдаушы қазақ қызы Самал Еслямова Канн кинофестивалінде үздік актриса атанды. Кинолентаны көруге қазақстандық дипломаттар мен Германияда білім алып жатқан студенттер де келген. Премьераға сондай-ақ, актриса Самал Еслямова да қатысты. Эмигрант Айканың қиын өмірі туралы драма көрермендерге қатты әсер етті.
Айта кетейік, "Айканы" Берлиннен бөлек, Лейпциг, Потсдам, Дрезден және Майнц кинотеатрларында да көрсетеді.
«Бұл
- менің өмірімде өте маңызды рөл.
Мен мұны ешқашан ұмытпаймын. Үлкен махаббатты,
бала мен ананың арасындағы
байланысты көрсеттім. Бұл -
өмірдің ең басты тақырыбы. Әрине,
ол көрерменге, әр адамның
жүрегіне жетеді, өйткені бәрі
де анадан туған»,-деді актриса.
