Шымкентте бір күнде 1500 тұрғын атаулы әлеуметтік көмек алуға құжат тапсырды. Мемлекет қолдауына мұқтаж жандарға қызмет көрсетуге 80-ге жуық маман жұмылдырылған, деп хабарлайды Elitar.kz тілшісі.
Салаға жауапты мамандар келушілерге таң сәріден қара кешке дейін қызмет көрсетті. Қалада сегіз жерде құжат қабылдау орыны ұйымдастырылған. Айта кетейік, былтыр атаулы әлеуметтік көмекті Шымкентте он мыңға жуық отбасы алған. Биыл бұл көрсеткіш екі есеге артады дейді мамандар.
Сондай-ақ, бұл жұмыстар сәуір айының аяғына дейін жалғасады. Шымкент қаласы әкімдігінің халықты жұмыспен қамту орталығының атаулы әлеуметтік көмек алуға қажетті құжаттарды қала тұрғындары өзі тұратын ауданға қарасты ХҚО, аудан әкімдіктеріне тапсыра алады.
