Бұл туралы қала әкімдігінің қоғаммен байланыс жөніндегі қызметі хабарлады.
"ҚР Президент Әкімшілігінің келісімімен қала әкімінің өкімімен Алматы әкімінің бірінші орынбасары қызметіне Ерлан Қожағапанов тағайындалды. Бұған дейін бұл қызметті атқарған Ерлан Әукенов өз еркімен жұмыстан босатылды" делінген хабарламада.
Ерлан Қожағапанов 1968 жылы дүниеге келген. 1992 жылы Қарағанды мемлекеттік унивеситетін экономист мамандығы бойынша бітірген. Ал 1999 жылы Алматы мемлекеттік университетін қаржыгер, 2006 жылы
РФ Мемлекеттік Кеден комитетінің Ресей Кеден академиясын заңгер мамандығы бойынша тәмамдаған.
1990-1994 жылдары кәсіпкерлікпен айналысқан.
1994-2007 жылдары мемлекеттік органдар мен кәсіпорындарда жұмыс істеген.
2007–2013 жылдары Астана (қазіргі Нұр-Сұлтан) қаласы әкімінің орынбасары қызметін атқарды.
2013–2016 жылдары ҚР Спорт және дене шынықтыру істері агенттігінің төрағасы, ҚР Футбол федерациясының президенті болып істеген.
2016-2017 жылдары ҚР Премьер-министрінің кеңесшісі, 2017 жылы Спорт және мәдениет министрінің орынбасары қызметтерін атқарған.
