Коронавирус инфекциясынан Қостанай облысында 1 адам көз жұмды. Төтенше жағдай жөніндегі мемлекеттік комиссияның жедел штабының мәліметінше, марқұм болған науқас 1945 жылы дүниеге келген қарт кісі. Ол Жітіқара қаласының тұрғыны. Ауруханаға пневмония диагнозымен түскен.
Науқас КВИ үшін ашылған аурухананың инфекциялық бөлімінің қарқынды терапия боксталған палатасында жатқан.
14 сәуір күні таңертең жағдайы күрт нашарлап, бүгін таңғы сағат 8.30-да егде адамның жүрек тоқтауы орын алды.
Айта кетейік, елімізде COVID-19 вирусты инфекциясынан көз жұмғандар саны 15 адамға жетті.
