Жұлдыздар "Голос.Дети" сайысының нәтижесі жоққа шығарылғаннан кейін өз пікірлерін жарыса білдірді.
16 мамырда "Бірінші арна" әнші Алсудың қызы 11 жастағы Микелла Абрамова жеңіске жеткен «Голос.Дети» жобасының қорытындысын жоққа шығарған соң жұлдыздар бұл шешімді қолдап, өз разылықтарын білдірді.
Максим Галкин
Алла Пугачеваның күйеуі бұл
шешім абыройды алдыңғы орынға
қою жолындағы қабылданған күрделі шешім
екенін айтты:
"Бүгінгі шешім
маған арнаны мақтан тұтуға себеп болды,
көрермендер алдындағы жауапкершілік
корпоративтік мүдделерден жоғары болды.
Бұл батылдықты талап етеді, ең
бастысы әділ шешім».
Максим
Фадеев
RT-ға
берген сұхбатында продюсер өз
қателіктерін мойындайтындарды
құрметтейтінін, бірақ
"Голос.Детидің"
алтыншы маусымының финалистерімен
қайта байқау өткізу қажет деп санамайтынын
айтты:
"Мен "Бірінші арна"
осы жағдайдың бәрін әдейі
жасады дегенге мүлдем сенбеймін.
Олар да жымысқы әрекеттің
құрбаны болып отыр. Егер 24 мамырда
қайтадан конкурс өткізілсе, бұл сұмдық
идея. Бірақ егер бұл татуластыруды
көздейтін достық кеші болса, онда
бұл дұрыс".
Валерий
Меладзе
Шоудың жұлдызды жаттықтырушыларының
бірі Instagram-да күшін жою туралы шешімді
қуана қабылдады:
"Мен "Голос.Дети"
жобасының финалының қортындысына
айқындық енгізілгеніне шын жүректен
қуаныштымын. Ең маңыздысы - "Голос"
жобасын эфирде сақтау және көрермендердің
сенімін жоғалтпау. Дарынды балаларға
көмектесуді жалғастыру. Бұл
мен үшін кез келген дауыс
беру мен жеңістерден әлдеқайда маңызды.
Яна Рудковская
Продюсер RT тілшісімен
әңгімелесу барысында жоба төңірегіндегі
ахуалға көңілі түскенін
атап өтті:
"Ең өкініштісі, "Голоста"
мұндай жайттардың болуы
мүмкін екені. Бұл - балалар байқауы.
Мен берілген дауыстардың
күшін жойғанын білемін және 24 мамырда
арнайы шығарылым болады.
Бұл "Бірінші арнаның"
көреген шешімі.
Бірде-бір
бала зардап шекпеу үшін финалды өте
сауатты өткізу керек. Бұл
ересектердің ойыны, бірақ олар балаларға
кері әсер етпеуі керек.
"Бірінші арна " бұл жағдайда дұрыс
және сауатты шешім табады деп үміттенемін",
- деп толықтырды ол.
Иосиф Пригожин
РИА
"Новостиге" берген
сұхбатында продюсер тексерудің
аралық нәтижелеріне сәйкес кибершабуылдардың
тіркелмегеніне, Микелланың пайдасына
жаппай автоматтандырылған СМС жіберу
болғанына назар аударды. Оның пікірінше,
бұл бағдарламаның ережелеріне қайшы
келмейді:
"Бұл
заңсыз ба? SMS ақылы, дұрыс қой?
Демек, біреу бұл үшін ақы
төледі, ақша үшін миллиардтаған
СМС жіберу, бұл ережемен тыйым салынбаған
деп ойлаймын. Кибершабуылдар анықталған
жоқ".
Шоу-бизнес
өкілдері тарапынан бұдан да
аса өткір реакциялар болды. Мысалы,
әншілер Лев Лещенко мен Юрий Лоза осындай
ауқымды балалар вокалдық конкурстарын
қатаң сынға алды.
Естеріңізге
сала кетейік, Светлана Лобода командасында
өнер көрсеткен Микелла Абрамова 56,5%
көрермен дауысымен жеңіске жетті.
Интернет пайдаланушылар нәтижелерді
жою туралы мәлімдеп, оларды объективті
емес деп атады. Финалды көптеген
жұлдыздар, соның ішінде Галкин мен
Рудковская сынады, ал Лобода жеңімпаз
қатысушыларды қолдап, оларға Алла
Пугачевамен кездесу ұйымдастырды, балаларға сыйлықтар табыс етті. Бастапқыда
Микелла ән байқауының финалына шыға
алмаған, бірақ сол кезде оны көрермендер
құтқарды: қыз шоуға қайта
оралған болатын.
Көрермендер қарсы
пікірлер жаудырған соң "Бірінші
арна" байқау нәтижелерін тексеруді
шешті. Процеске Group-IB компаниясы тартылды.
16 мамырда ұйым сарапшылары жарыс
қорытындысын тексеретін аралық
нәтижелерді жария етті — мамандар
дауыстарды артық беру
фактісін анықтады, одан кейін телеарна
" Голос.Дети"
финалистері үшін 24 мамырда
арнайы шоу өткізуге шешім
қабылдады.
