Дүниежүзілік денсаулық сақтау ұйымы психикалық бұзылулар тізімінен трансгендерлікті алып тастады, деп хабарлайды БҰҰ сайтына сілтеме жасай отырып Elitar.kz.
Дүниежүзілік денсаулық сақтау ассамблеясының қатысушылары аурулар мен денсаулыққа байланысты проблемалардың халықаралық статистикалық жіктемесінің жаңа нұсқасын мақұлдады. Жаңартылған құжат алдыңғы классификациядан кейін 18 жыл өткен соң жарияланды. ДДҰ ақпараты бойынша, мамандар бұрын соңды болмаған ашықтық жағдайындағы ынтымақтастықта жұмыс істеген. Жіктеу толығымен электрондық форматқа ауыстырылды және электрондық қосымшалар мен ақпараттық жүйелерге интеграциялануы мүмкін.
ДДҰ мамандарының айтуынша, психикалық бұзылулар тізімінен трансгендірлікті алып тастау - бұл трансгендерлі адамдарды қаралауға қарсы күресте жасалған қадам. Дегенмен, сарапшылар бұл жағдайды жыныстық денсаулыққа байланысты бөлімнің жіктемесіне енгізді. Бұл трансгендерге қажет болған жағдайда медициналық көмек алуға мүмкіндік береді.
1948 жылы жарияланған жіктеме нұсқасында гомосексуалдылық да психикалық бұзылулар ретінде жіктелді және тек 1970-ші жылдары ғана оны аурулардың жіктеуінен толығымен алып тастады. Жаңа жіктемедегі психикалық бұзылулар тізімі ойынқұмарлық және қалжыраумен толықтырылды.
