Шымкенттің кезекші халыққа қызмет көрсету орталығы сенбі күні жұмыс істейді

01 шілде, 09:49

​«Азаматтарға арналған үкімет» мемлекеттік корпорациясының Шымкент қаласындағы филиалы 1 шілдеден бастап кезекші ХҚО жұмыс кестесіне өзгерістер енгізетінін хабарлайды.

Енді қаладағы кезекші халыққа қызмет көрсету орталығы сенбі күндері сағат 09.00-ден 13.00-ге дейін жұмыс істейтін болады. Мереке күндері ғана демалыс болады. Жұмыс күндері олардың жұмыс кестесі өзгеріссіз – сағат 09.00-ден 20.00-ге дейін.

Жалпы, халыққа қызмет көрсету орталықтары сағат 9.00-ден 18.00-ге дейін (дүйсенбі – жұма) жұмыс істейді.

Еске салайық, мемлекеттік қызметтерді ХҚО қосымшасы, eGov.kz порталы, EgovKzBot2.0 Telegram боты және Egovmobile мобильді қосымшасы арқылы онлайн режимінде алуға болады.

Кезекші халыққа қызмет көрсету орталығының мекенжайы: Әл-Фараби ауданы №1 бөлімі, Жангелдин көш., 13 А.