Kyodo News агенттігінің мәліметінше, Жапонияда карантинге жабылған Diamond Princess кемесінен эвакуацияланған 300-ден астам америкалықтың 18-інен вирус анықталды. АҚШ-тың ауруларды бақылау және алдын алу орталықтарының ресми өкілі індет жұқтырған адамдардың саны артуы мүмкін екенін жоққа шығармады. Себебі круиздік лайнер коронавирус жұқтырудың жоғары дәрежедегі ошағыретінде тіркелген.
Естеріңізге салсақ, лайнерде коронавирус жұқтыру дерегі тіркелген соң кеме екі апталық карантинге жабылды. Ішінде қалған туристерден қауіпті індетті анықтау бойынша бірнеше сынама алынып, вирус жұқтырмағандары өткен аптада өз елдеріне эвакуацияланды. Лайнерде төрт Қазақстан азаматы болған. Олардан коронавирус табылған жоқ. 22 ақпан күні Қазақстан азаматтары елге оралды.
