Димаш Құдайберген Еуропаның 11 қаласында жеке концертін өткізеді

20 қаңтар, 16:12

Ерекше талантымен әлем назарын аударған қазақстандық әнші Димаш Құдайберген Еуропа елдерінде өтетін концерттерінің тізімін жариялады. Бұл туралы ол өзінің INSTAGRAM парақшасында оқырмандарымен бөлісті.

"Arnau tour концерттерінде көріскенше" деп жазған постынан тізімдегі концерттер алдағы үш айға жоспарланғанын аңғаруға болады. Сонымен, Димаш 16 ақпанда Краснодарда (Ресей), 20 ақпанда Казаньда (Татарстан, Ресей), 23 ақпанда Екатеринбургта (Ресей), 7 наурызда Ригада (Латвия), 9 наурызда Мәскеуде (Ресей), 11 наурызда Киевте (Украина), 19 наурызда Гамбургте (Германия), 21 наурызда Дюссельдорфта (Германия), 23 наурызда Штутгартта (Германия), 25 наурызда Прагада (Чехия), 4 сәуірде Минскте (Беларусь) жеке концертін өткізетін болады.