14 ақпан, 11:05
Димаш Құдайберген өз жанкүйерлеріне клипінің түсірімі барысынан фотолар көрсетті. Әнші Инстаграм аккаунтына қойған сүйіктілердің әдемі фотосына әдемі жазу жазған. Димаш пен оның клиптегі серіктесі аққулар кейпінде бейнеленген.
"Құрметті достар. Мен "Шаршаған аққулар махаббаты" музыкалық клиптің түсірілімі барысынан суреттерді сіздермен бөлісуді жөн санадым. Видеоның режиссері - асқан шебер Алан Бадоев. Өздеріңіз байқағандай, видео фэнтези стилінде түсірілген. Ғашықтар күні құтты болсын, қымбатты достар. Сені сүйем!", - деп жазады әнші ағылшын тілінде.
"Шаршаған аққулар махаббаты" - өнер туындысы осылай аталады. Клипті белгілі жүргізуші, украиналық кинорежиссер, клипмейкер және продюсер Алан Бадоев түсіруде. Ол танымал ресейлік және украиналық орындаушылармен бірге жұмыс істесіп, клип түсірумен танымал.
Бадоевпен жұмыс істеген жұлдыздардың санына жету қиын. Режиссер Авраам Руссоға екі клип, Наташа Королева мен оның күйеуі Тарзанның дуэтін, София Ротарудың "Вишневый сад" әніне видео түсірген. Алан Андрей Данилконың атын шығарып, халықтың Верка Сердючкаға махаббатын оятқан "После тебя" және "Кукла" инструменталды композицияларының керемет видеоларының авторы. Поп-жанрдан бөлек Алан Бадоев "Ночные снайперы" ("Светофоры" әні) және "Братья Карамазовы" ("Космос мертв" әні) сияқты танымал рок-группаларға клиптер түсірген.
Алан Бадоев "Пороблено в Украине" әзіл-шоуының креативті продюсері және режиссеры болды. "Хочу к Меладзе" және "Хочу к ВИА Гру" талант-шоуларына режиссер болды. 2018 жылы Алан Бадоев пен Сергей Лазаревтің ("Сдавайся"), Макс Барскихпен ("Сделай громче"), Полина Гагаринамен ("Выше головы") және басқалармен бірге туындылары жарық көрді.
Бадоев жұмыс істеген клиптердің барлығы ерекше энергия мен креативке толы. Сондықтан Димаштың клипін көпшілік тағатсыздана күтуде.
