АҚШ Президенті Дональд Трамп Ресей Президентіне телефон соққан. Владимир Путин ресейлік тарап егер қажет болып жатса, бұл көмектен бас тартпайтынын айтты. Бұл туралы ТАСС-қа сілтеме жасай отырып Elitar.kz хабарлайды.
«Америка тарапының бастамасымен Владимир Путин мен Дональд Трамп телефон арқылы сөйлесті. АҚШ Президенті Ресейге Сібірдегі орман өртін сөндіруге көмектесуді ұсынды», - деп мәлімдеді Кремльдің баспасөз қызметі.
РФ Президенті Дональд Трампқа көмегін ұсынғаны үшін шынайы алғыс білдіріп, қажет болғанда Ресей тарапы ол көмекті пайдаланатынын атап өтті.
Баспасөз қызметінің мәліметінше, Путин американдық әріптесіне Сібірде өртпен күресу үшін қуатты әуе тобы құрылғанын айтты. Ресей ТЖМ-нің мәліметтері бойынша, ұшақтар мен тікұшақтарды құю және орналастыру мәселелері шешіліп жатыр.
