Анықталғаны оқиға ер кісі мен күдікті арасында туған тұрмыстық жанжалдан басталған. Бір тәуліктен аз уақыт ішінде аса ауыр қылмысты жасаған күдікті 20 жастағы Түркістан облысының тұрғыны Еңбекші аудандық полиция басқармасының қызметкерлерімен ұсталып, уақытша ұстау изоляторына қамалды. Күдіктінің қайтыс болған әйел азаматының өліміне қатыстылығы тағайындалған сараптамалардың қорытындысына сәйкес анықталады. Аталған жайт Қылмыстық Кодексінің 99-бабы (Адам өлтiру) бойынша сотқа дейінгі тергеп-тексерудің бірыңғай тізілімінде тіркелген. Айғақты заттар тәркіленіп алынды.
Еске салсақ, Шымкентте Төреқұлов көшесі бойындағы бес қабатты тұрғын үйдің пәтерлерінің бірінен екі мәйіт табылды. Олардың азаматтық некедегі ерлі-зайыптылар екені анықталды.
