Францияның Безансон қаласында бетперде киген белгісіз азаматтар көшеде оқ жаудырды. Салдарынан үш адам жараланды. Бұл туралы France Bleu-ге сілтеме жасап Elitar.kz хабарлайды.
Шетелдітің БАҚ-тың жазуынша, бетперде киген үш немесе төрт адам көшеде оқ жаудырып, артынша іздерін суытқан. Оқиға орнына келіп жеткен полицейлер 15 гильза мен граната тапты. Атыс жергілікті уақыт бойынша 19:15-те болған. Зардап шеккендердің біреуінің кеуде тұсына бірнеше рет оқ тиген, жағдайы өте ауыр. Екінші зардап шегуші жамбасынан жараланған, ал үшіншісін оқ іліп кеткен. Безансон прокуратурасы бұл оқиғаға қатысты тергеу жұмыстарын бастады.
