ҚР Жоғарғы сотының төрағасы Жақып Асанов пен Шымкент қаласының әкімі Ерлан Айтаханов Әл-Фараби аудандық сотының фронт-кеңсесінің ашылу салтанатына қатысты.
Іс-шараға Шымкент қалалық сотының төрағасы Ербол Рахымбеков, қала, аудан судьялары және сот Әкімшісінің басшысы Нұрсұлтан Бәйтілесов, прокурорлар, адвокаттар мен медиаторлар қатысты.
Жаңа фронт-офис халыққа қызмет көрсетудің қазіргі заманғы стандарттарын ескере отырып, ұйымдастыру техникасымен жабдықталған кең зал. Бұл жерде медиаторлар, адвокаттар және тараптардың іс материалдарымен танысу үшін үш жеке кабинет құрылған. Кеңсе ашық кеңістік "кедергісіз принцип" бойынша тыныш, ашық түсті хай-тек стиліне сай келеді. Бұл сот жұмысының ашықтығы мен қолжетімділігін іс жүзінде қамтамасыз етуге бағытталған. Кіріс кеңсе аймағында сотқа келуші қажетті құжаттарды сотқа жолдай алады.
Айта кетейік, мұнда кәсіби медиаторлар қызмет көрсететін болады. Сондай-ақ қалалық сот пен адвокаттар алқасы арасында түзілген меморандумға сәйкес кезекші адвокат та қызмет көрсетеді.
