Оқиға облыс орталығы Орал қаласындағы Еуразия даңғылы бойында 28 ақпан күні сағат 21.00-лер шамасында орын алған.
Батыс Қазақстан облыстық Полиция департаментінің мәліметінше, белгісіз біреулер валюта айырбастау пунктінің директорына газ баллонын шашып, қолындағы қара түсті былғары сөмкесін алып кеткен. Сөмке ішінде 44,513 млн теңге болған. Жедел іздестіру шаралары барысында Орал қаласының 1994 жылғы екі азаматы және 1985 жылғы тұрғыны анықталып, сот санкциясымен қамауға алынды. 1995 жылғы төртінші күдікті іздестірілуде.
Күдікке ілінген оңай олжаға екі автомобиль, бірнеше ұялы телефон және басқа заттар сатып алып үлгерген. Қазіргі кезде ҚР ҚК 191-бабы 4-бөлігіне сәйкес тергеу амалдары жүргізілуде.
