Шымкентте көпқабатты пәтерлердің бірінде екі адам улы газдан көз жұмды. «Қазтрансгаз Аймақ» АҚ мәліметінше, қайғылы оқиға жексенбіден дүйсенбіге қараған түні орын алған. 24 ақпанда таңғы сағат 8-дер шамасында төтенше жағдайлар қызметінің кезекші бөліміне екі адамның мәйіті табылғаны туралы хабарлама келіп түскен. Алдын ала болжам бойынша 1994 және 1992 дүниеге келген екі адам иістен уланып, көз жұмған.
Шақырту орнына келген авариялық бригада асүйде 2 конфорлы газ плитасы мен "DUBAI" маркалы ағынды су жылытқышы орнатылғанын анықтады. Түтін шығаратын құбыр (гофра) ағынды су жылытқыштың келте құбырынан ажырап кеткен, бұл үй-жайда улы газдың қауіпті концентрациясына әкелуі мүмкін.
Мамандар пәтерге газ беруді уақытша тоқтатты. Қазір қайғылы оқиғаның себептері анықталуда.
Осы ретте газ саласының мамандары мен ТЖД тұрғындарды үйлер мен пәтерлерде орнатылған газ жабдығына мұқият қарауға шақырады және улы газдың түсі мен иісі жоқ, сондықтан аса қауіпті.
