Жетісай ауданындағы бір отбасында орын алған өгей анасының қатыгездікпен балаларын ұрып-соғып, дене жарақаттарын салу арқылы зорлық көрсеткен жайты құзырлы органдармен анықталды. Бұл туралы ТО ПД баспасөз қызметі хабарлады.
"Бұл жайт Жетісай АПБ-де тіркелді. ҚР ҚК 140-бабына сәйкес сотқа дейінгі тергеу амалдары жүргізілуде. Күдіктіге шектеу шарасы қолданылады. Комиссия шешімімен балалар әжесіне тапсырылған. Бұл жайт Қазақстан Республикасы Ішкі істер Министрінің және облыс прокурорының бақылауында.
Түркістан
облысы ПД ескертеді, Қазақстан
Республикасының Қылмыстық кодексiнің
147-бабы «Жеке өмiрге қолсұғылмаушылықты
және Қазақстан Республикасының дербес
деректер және оларды қорғау туралы
заңнамасын бұзу» бойынша қылмыстық
жауапкершілік қарастырылған.",-делінген хабарламада.
Естеріңізге салайық, Жетісайлық келіншектің өгей қыздарына көрсеткен қорлығы туралы ақпарат желіге тарап кеткен болатын. 1991 жылы туылған келіншек қыздарды кемпірауызбен қысып жарақаттаған, тоңазытқышқа отырғызып, мұздай суға жатқызып қоятыны белгілі болды. Ең сорақысы, тырнақтарының арасына ине тығып, "күліп тұр" деп ұрып-соққан. Фашисттік әрекетке барған келіншектің ісін ҚР ІІМ мен прокуратура өз бақылауына алды.
