Қалалық перинаталдық орталығында күрделі операция жасалды. Ауруханаға жаңа босанған әйел жеткізілген. Оның жағдайы нашарлап, ес-түссіз жатқан. Науқасты тексерген дәрігерлер 40 жастағы әйелде инсульт болғанын анықтады. Ақ халаттылар жедел әрекет жасап, бас сүйегіне ашық операция жүргізіп, мидағы гематоманы алып тастады.
Операцияны штаттан тыс бас нейрохирург Сарсен Пернебеков жүргізді. Хирург босанушының бас сүйегін ашып, миға қан құйылғаннан кейін пайда болған гематоманы алып тастады.
"Біз бірден операция жасауға шешім қабылдадық. Себебі уақыт жоғалтпау керек болды. Бас сүйекті ашқанда, ми тұнық қызық болғанын көрдік. Арнайы аппараттардың көмегімен біз гематоманы алып тастадық",- деді нейрохирург Сарсен Пернебеков.
Қазіргі таңда пациенттің өміріне қауіп жоқ. Емнен кейін сәбиімен бірге үйге шығарылды.
