Украина және Ресей композиторы және продюсер Игорь Крутой Димаш жолдаған эстафетаны қабыл алып, Абайдың өлеңін оқыды, деп хабарлайды Elitar.kz.
"Қазақтың ұлы ойшылы мен ақыны Абайдың 175 жылдығына орай өлең оқу эстафетасын қуана қабылдаймын. Оны менің кіші досым, өте талантты әнші Димаш Құдайбергеннен қабыл алып, Ресей Федерациясындағы Қазақстан Республикасының елшісі, менің досым Иманғали Тасмағамбетовке табыстаймын", - деді Игорь Крутой.
Композитор Абайдың "Әуелде бір суық мұз – ақыл зерек" өлеңін орыс тілінде оқыды.
Естеріңізге сала кетейік, Президент Қасым-Жомарт Тоқаев Ләйлім Шырақ есімді оқушы қыздың эстафетасын қабылдап, Instagram-да видео жариялаған болатын. Мемлекет басшысы эстафетаны Димаш Құдайбергенге жолдады.
https://www.instagram.com/p/BzxzOaZgKJ3/?utm_source=ig_web_copy_link
