Электрондық сауда тәсілімен тауар айналымы өткен жылы 270 млрд теңгені құрады. Бұл туралы ОКҚ өткен баспасөз мәслихатында белгілі болды.
Ұлттық экономика министрлігіне қарасты Сауда қызметін реттеу департаментінің директоры Айжан Бижанова интернетте ең алдымен құрылыс материалдары сұранысқа ие екенін айтты. Сондай-ақ, тұрмыстық техника, ұялы телефондар мен косметикалық құралдар, киім-кешектер саудасында да тұтынушылар арасында белсенділік бар.
Ол сондай-ақ,
Қазақстанда электрондық сауданы қамтитын
электрондық коммерция ұғымы енгізілгенін
еске салды.
"Әлемдік тәжірибе
көрсеткендей, 50 немесе тіпті 60% электрондық
саудаға қызмет көрсету саласы
кіреді. Біздің жағдайда қазір
авиабилеттерді 99,9% интернет дүкендер
арқылы сатып алады. Бұл тиімді, ыңғайлы,
ұзақ кезекте тұрудың қажеті жоқ. Бизнес
субъектілері осы бағытта
қимылдайтын болады деп ойлаймын",
- деді департамент директоры.
Егер 2017 жылы Е-сауда
тәсілімен тауар айналымы 170 млрд теңгені
құраса, жыл соңына қарай ол 2 есеге немесе
270 млрд теңгеге ұлғайған.
Бұл таяу болашақта еліміздегі электрондық сауда экономиканың нағыз қозғаушы күшіне айналатынының белгісі.
