Атырау облысының әкімі Нұрлан Ноғаев орын алған тәртіпсіздіктерден кейін "Теңізшевройл" ЖШС басшылығымен кездесті. Облыс басшысы Кәсіпорындардағы еңбек жағдайлары жергілікті және шетелдік азаматтар үшін бірдей болуы тиіс деп мәлімдеді.
Облыс басшысының пікірінше, жұмысшылардың жаппай төбелесі түрлі еңбек жағдайларына байланысты орын алған, деп хабарлайды әкімнің баспасөз қызметі. Нұрлан Ноғаев қақтығысқа қатысушылармен кездесті.
"Бұл
мәселе түрлі еңбек жағдайларына
байланысты туындады, бұл ТШО басшылығы
мен барлық мердігерлерге де шешетін
жүйелі мәселе. Біз өз тарапымыздан
барынша қолдау көрсетуге дайынбыз.
Инвесторлар түсінуі тиіс: біздің
еліміздің аумағында жұмыс істей отырып,
заңнаманы, сондай-ақ қадір-қасиетін
қорлайтын моральдық-этикалық нормаларды
сақтау қажет. Жақын арада біз жобаның
барлық қатысушыларымен кездесу өткіземіз,
онда компаниялардың барлық бірінші
басшылары қатысатын болады, осы
мәселелерді шешетін боламыз. Ең бастысы
–еңбек жағдайы барлығына тең болуы
тиіс", - деді облыс әкімі Нұрлан
Ноғаев.
"Теңізшевройл" ЖШС Бас
директоры Имер Боннер компания туындаған
жағдайды реттеу үшін барлық қажетті
шараларды атқаратынын айтты. Сондай-ақ,
болашақта мұндай оқиғаларболмауы үшін
барлық шаралар қабылданатын
болады.
Мәжілістен кейін Нұрлан
Ноғаев Consolidated Contracting Engineering & Procurement
s.a. l. Offshore қызметкерлерімен кездесті.
Олар әкімнен оқыс оқиғаны тергеуге,
сондай-ақ еңбекті ұйымдастыру мәселелерін
пысықтауға байланысты олардың жұмысын
тоқтатпауды сұрады.
Естеріңізге
сала кетейік, жұмысшылардың арасындағы
жанжал бір қызметкер жасаған фотосуретке
байланысты орын алған. Ливия азаматы
Eli Daoud түсірген фотосуретін Whatsap-тағы
өз профиліне қойған. Суретте Eli Daoudтың
қолындағы рация антеннасы қыздың аузына
бағытталған. Бұл сурет қазақ жұмысшыларының
ашуын туғызды.
