Түркістан облысы, Кентау қаласы маңындағы жер үйде газ баллоны жарылып, артынша өрт тұтанған. Салдарынан 14 жастағы жасөспірім зардап шекті. Бұл туралы ҚР ІІМ Төтенше жағдайлар комитеті хабарлады.
"14 қазан күні 11:16-да Түркістан облысының Кентау қаласынан 20 шақырым жердегі Жүйнек ауылында уақытша тұру үшін салынған үйде газ баллоны жарылып, 32 шаршы метрді жалын шарпыды. Өрт 12:28-де өшірілді", - делінген хабарламада.
2005 жылғы қыз күйік шалып ауруханаға жеткізілді. Алдын ала болжам бойынша апаттың себебі – газ баллоны редукторында ақау болған. Өртті сөндіруге облыстық Төтенше жағдайлар департаментінің 7 қызметкері және 2 техника жұмылдырылды.
