Шымкент қаласы мен Түркістан облысына танымал журналист қаржылай көмекке мұқтаж, деп жазады otyrar.kz.
Динар Мусаева қазір ем қабылдап жатыр. Оған моральдық және физикалық жағынан ғана емес, материалдық жағынан да қиын. Ол химиотерапияның төртінші курсынан өтуде, алда әлі 5 курс бар. Бұл уақытта жұмыс істеуге күш жоқ екені айтпаса да түсінікті.
Динар жұмыс істеп жүрген кезінде кімге қандай көмек қажет болса, бірінші болып табылатындардың қатарында жүретін. Оның жасаған репортаждарының арқасында көптеген адамдар өз мәселелерін шешті. Енді ол қолдауды қажет етеді. Шымкенттіктер, оңтүстікқазақстандықтар өте бауырмал адамдар екенін білеміз, сондықтан әріптесіміз Динарға бірігіп қол ұшын бере аламыз деген сенімдеміз.
