Сіздің телефоныңызға ЭЦҚ-ның әрекет ету мерзімі аяқталатыны туралы ескертумен SMS келді ме?
Мұндай жағдайда не істеу керек? Бұл туралы "Азаматтарға арналған үкімет" мемлекеттік корпорациясының Шымкент қаласы бойынша филиалының баспасөз қызметі хабарлады.
SMS Ұлттық куәландыру орталығы порталындағы (pki.gov.kz) жеке кабинетке кіру уақытын білдіреді. Жеке кабинетке сіз ресурстың басты бетінен немесе SMS-те көрсетілген сілтеме бойынша өте аласыз, ал одан әрі алгоритм бойынша әрекет етеміз:
Қолданыстағы ЭЦҚ қатысты барлық деректерді толтырыңыз;
"Кілттер тізімін жаңарту" батырмасын басыңыз.
ЭЦҚ паролін дұрыс енгізген кезде аутентификация кілті бейнеленеді. Кілт сөз қойып, жұмысқа кірісеміз;
ЭЦҚ кілттерімен жұмыс істеу үшін "менің ЭЦҚ кілттерім" қойындысына көшеміз. Мәзірдегі "ЭСҚ кілттерін қайта шығару" тармағын таңдаймыз.
Электрондық қолтаңбаның қолданылу мерзімі әлі аяқталмаған жағдайда өтінімді онлайн беруге болады.
Бұдан әрі негізгі бөліктерді толтырыңыз, "өтінім беру" батырмасын басыңыз, растаңыз және оған қолтаңба кілтін қойыңыз;
Егер ЭЦҚ-ны сақтау үшін сіз компьютерді таңдасаңыз, сіздің ЭЦҚ кілттеріңізге пароль ойлап табыңыз және енгізіңіз және "сертификаттарды жүктеу" батырмасын басыңыз.
Парольде төменгі және жоғарғы регистрлердің латын әріптері, сондай-ақ сандар болуы тиіс. Парольдің ең аз ұзындығы - 6 таңба.
"Сертификаттарды жүктеу" батырмасын басыңыз және тіркеу куәліктерінің сәтті орнатылғаны туралы хабарлайтын терезе пайда болады.
Айтпақшы, ЭЦҚ қолдану мерзімін ұзарту, оны алу сияқты рәсім тегін жүргізіледі.
