09 қаңтар, 10:51
Комитет «Қазтелерадио» АҚ-на қатысты монополияға қарсы заңдылықты бұзу бойынша тексеруді аяқтады.
Қазақстан Республикасының Ұлттық экономика министрлігінің табиғи монополияларды реттеу, тұтынушылардың құқығын және бәсекелестікті қорғау комитеті «Қазтелерадио» АҚ-на қатысты Қазақстан Республикасының бәсекелестікті қорғау бойынша заңдылықтарын бұзу бойынша, нақты айтқанда, ҚР Кәсіпкерлік кодексінің 174-бабының 2-тармағында қарастырылған басымдық немесе монополиялық жағдайды асыра пайдалану бойынша тексерудің қорытындысын жариялады.
Қоғамның іс-әрекеттерінен Қазақстан Республикасының бәсекелестікті қорғау бойынша заңдылықтарын бұзу әрекеттері, нақты айтқанда, нарық субъектілеріне немесе тұтынушыларға қатысты телекоммуникациялық құрылғыларды сақтау бойынша бірдей келісім-шарттарға нақты себепсіз түрлі бағалар немесе түрлі шарттар қолдану фактісі анықталды.
Алматы қалалық мамандандырылған ауданаралық әкімшілік соттың 2018 жылғы 20 желтоқсандағы шешімімен Қоғамды құқық бұзушылық жасағаны үшін кінәлі деп танып, 11 618 205,36 теңге көлемінде әкімшілік айыппұл төлеу шарасын тағайындады.
Бұған қоса акционерлік қоғамға Қазақстан Республикасының Кәсіпкерлік кодексінің ережелерін бұзуды тоқтатып, салдарын жою жөнінде ұйғарым жасалды.
Автор:
Elitar.kz
