Түркістан облысы Кентау қаласының полицейлері 6 отбасына қайрымдылық көмек көрсетті, бұл туралы ҚР ІІМ хабарлады.
Түркістан облысы бойынша қылмыстық-атқару жүйесі департаменті Кентау қалалық пробация қызметінің ұйымдастыруымен тұрмыстық жағдайы төмен алты отбасыға күнделікті қажет ететін азық-түліктер беріліп, қайырымдылық көмек көрсетілді.
Бүгінгі таңда Кентау қалалық пробация есебінде жалпы саны 105 сотталған тіркеуде тұр. Ағымдағы жылдың ақпан айында 17 сотталған әр түрлі жұмысқа орналастырылды. Оның ішінде 7 сотталған қалалық жұмыспен қамту және әлеуметтік бағдарламалар бөлімімен тұрақты жұмыспен қамтылған. «Алдағы уақытта есепте тұрған тұрмыстық жағдайы төмен отбасыларға өз кезегімен осындай қайрымдылық көмектер көрсетілетін болады», – деп мәлімдеді Кентау қалалық пробация қызметі бөлімінің бастығы Атабек Исаев.
