30 наурыз, 16:14
28.03.2020 жылы Кентау қалалық полиция бөліміне Қарнақ ауылында коронавирусты жұқтырғаны туралы белгісіз тұлға әлеуметтік желі арқылы жалған ақпарат таратқаны туралы хабарлама келіп түсті. Аталған жайт ҚР ҚК-нің 274-бабы "Көрінеу жалған ақпарат тарату" бойынша СДТБТ-ға тіркелді.
Түркістан облыстық Полиция департаментініе мәліметінше, әлеуметтік желіде жалған ақпарат таратқан белгісіз тұлғаны анықтау үшін полиция бөлімінде жедел-тергеу тобы құрылды. Осылайша жедел-іздестіру іс-шарасы барысында кентаулық полицейлер жалған ақпарат таратқан күдіктіні анықтап, ұстады. Ол осы ауылдың тұрғыны жергілікті мектептің 8 сынып оқушысы болып шықты. Жасөспірім қылмысын толық мойындады және істеген ісіне өкінетінін айтты. Жасөспірім бала ата-ананың қадағалауына берілді және олармен тиісті профилактикалық әңгімелесу жүргізілді. Өз кезегінде жасөспірімнің ата-анасы әкімшілік жауапкершілікке тартылатын болады.
Қазіргі уақытта полиция қызметкерлері оқиғаның мән-жайын анықтап жатыр. Сотқа дейінгі тергеу амалдары жүргізілуде.
