02 қазан, 20:00
ҚР Премьер-министрі Асқар Мамин Тұңғыш Президент – Елбасы Нұрсұлтан Назарбаевтың және Мемлекет басшысы Қасым-Жомарт Тоқаевтың Түркістан облысын дамыту жөніндегі тапсырмаларын орындау бойынша Түркістан облысына жұмыс сапарымен барды.
Премьер-министрдің баспасөз қызметінің мәліметінше, Асқар Мамин Түркістан қаласын жаңғыртудың І-кезеңі аясындағы жұмыстар барысын тексерді. Нақтырақ айтқанда әкімшілік, әлеуметтік және тарихи-мәдени маңызы бар нысандар: әкімдік, басқармалар және департаменттер ғимараттарының, медиа орталықтың, «Нұр-Сұлтан» алаңының, Олимпиада реверві спорт мектебінің, Халыққа қызмет көрсету орталығының, музыка мектебінің, аттракциондары бар қала саябағының, неке қию сарайының, визит-орталықтың, Шығыс моншасының, амфитеатр мен қалалық Арбаттың құрылысын тексерді.
Үкімет басшысы Түркістан облысының әкімі Өмірзақ Шөкеевпен және Экология, геология және табиғи ресурстар министрі Мағзұм Мырзағалиевпен бірге Н. Оңдасынов атындағы аллеяға ағаш отырғызып, көшет отырғызу бойынша республикалық акцияны бастады.
ФОТО: ҚР Премьер-министрінің баспасөз қызметі
