Коронавирус инфекциясынан Алматы қаласында 1 адам көз жұмды. Қайтыс болған тұрғын 1960 жылы дүниеге келген. Ол 8 сәуірден бастап жүрек-өкпе жеткіліксіздігі, кахексиясына (ағзаның тозуы) байланысты ауыр халде Орталық қалалық клиникалық ауруханасының провизорлық бөлімшесінде емдеуде болды. Алынған талдаулары оң нәтиже берді.
Айта кетейік, елімізде COVID-19 диагнозынан көз жұмғандар саны 17 адамға жетті. Аталған індеттен 223 тұрғын жазылып шықты.
