06 ақпан, 15:51
Yonhap ақпараттық агенттігінің мәліметінше, бүгін Сеулдің шығыс бөлігіндегі бес мектепте коронавирустың таралуына байланысты сабақ тоқтатылды.
Вирусты жұқтырғандардың бірі Сонгпа округінде тұратындығы анықталған соң аталған округтегі төрт бастауыш мектеп пен бір орта мектеп уақытша жабылды. Сонымен қатар Сонбук-гу және Джуннанг округтеріндегі, Сеулдің солтүстік-шығыс аудандарындағы 42 мектеп жаңа коронавирусты жұқтырған пациент тұрған жерден бір шақырым қашықтықта орналасқан. Сол себепті аталған білім ошақтарында бүгіннен бастап жеті күнге сабақ болмайды.
Айта кетейік, бүгін Оңтүстік Кореяда тағы төрт адамның вирус жұқтырғаны белгілі болды. Қазіргі таңда бұл елде қауіпті дертке шалдыққандар саны 23-ке жетті.
